Беа потребни само две години за сонот да се претвори во јаве, а како што беше истакнато при неговото создавање, пред сè, беше потребна пристојна доза на храброст и малку здраво лудило за да се оствари овој несекојдневен проект. Во 1967 година, беше создаден автомобилот кој многумина го сметаат за еден од најубавите на сите времиња, 33 Stradale.

Денес, само неколку дена пред испораката на првиот автомобил до првиот од 33-та членови на „33 Club“, го прославуваме ова автентично уметничко ремек-дело во движење, со уште една награда, „Суперавтомобил на годината“ на Automobile Awards 2024. Гласовите за Alfa Romeo 33 Stradale ги даде жири составено од меѓународни автомобилски експерти и специјализирани новинари за автомобилизам. Суперавтомобилот Alfa Romeo ги надмина останатите славни италијански бисери како Maserati GT2 Stradale и Ferrari F80. Наградата ѝ беше доделена на Марион Беире, раководител за комуникации во Стелантис Франција, на церемонијата за доделување на наградите што се одржа во престижниот амбиент на Автомобилскиот клуб на Франција на Плоштадот Конкорд, во Париз.

Награди за 33 Stradale:

Од лансирањето, моделот на Alfa Romeo, 33 Stradale беше пречекан со единствено воодушевување од страна на  автомобилските експерти, страстните колекционери и вљубениците во италијанските автомобили. Досега ги доби следниве награди:

“DreamCar2024” – Quattroruote

“Design Trophy” – L'Automobile magazine

“Design Concept Award 2024” – Villa D'Este Concours d'Élégance

“Best in Classic 2024” – Ruote Classiche

“Supercar of the Year” – Automobile Awards